text stringlengths 10 5.37k |
|---|
ދަރުމަވަންތަ ހޮސްޕިޓަލާ ދިމާ މޫދުން އަނިޔާވެފައި އޮއްވައި ފެނުނު މީހާ މަރުވެއްޖެ |
ދަރުމަވަންތަ ހޮސްޕިޓަލާ ދިމާ ބޭރު ތޮށި މޫދުން އަނިޔާވެފައި އޮއްވައި މިއަދު ފެނުނު މީހާ މަރުވެއްޖެއެވެ. |
އައިޖީއެމްއެޗްގެ ޑޮކްޓަރުންނާ ހަވާލާދީ ފުލުހުން ބުނީ މޫދުން ފެނުނު މީހާގެ ބޮލަށް އަނިޔާވެފައިވާ ކަމަށާއި މި މީހާގެ ބޮލުގައި އުޅަނދަކުން ޖެހިފައިވާ ކަމަށެވެ. |
އަދި ފަރުވާ ދެމުން ދަނިކޮށް އޭނާ މަރުވެފައިވާ ކަމަށް ފުލުހުން ދެންމެ ބުންޏެވެ. |
އޭނާ އަށް އަނިޔާވީ ތޮށިގަނޑާ ދިމާލުން ދުއްވާފައި ދިޔަ "އުޅަނދެއް" ގައި ޖެހިގެން ކަމަށް ބެލެވޭ ކަމަށް ފުލުހުން ބުނެފައިވެ އެވެ. |
އުމުރުން 55 އަހަރުގެ މީހާ މޫދަށް އެރި އުޅުނު ސަރަހައްދުގައި ލޭންޑިން ކްރާފްޓެއް އޮތެވެ. |
މައުލޫމާތު ލިބިފައިވާ ގޮތުގައި އެމީހާއަށް އަނިޔާވީ އެ ލޭންޑިން ކްރާފްޓް އޭނާގެ ގައިމަތިން ދިޔުމުންނެވެ. |
އަނިޔާވެފައި އޮއްވާ ފެނުނު މީހާ މޫދުން ނަގާ މަންޒަރުގެ ވީޑިއޯ މިހާރު ވަނީ ސޯޝަލްމީޑިއާގައި އާންމުކޮށްފަ އެވެ. |
ވީޑިއޯ އިން ފެންނަ ގޮތުގައި އެމީހާ މޫދުން ނަގައިގެންދާއިރު އެއްވެސް ހަރަކާތެއް ނެތެވެ. |
އެ ސަރަހައްދަކީ އާއްމުކޮށް މީހުން މޫދަށް އެރި އުޅޭ ސަރަހައްދެއް ނޫނެވެ. |
މި މައްސަލަ ފުލުހުން ދަނީ ތަހުގީގުކުރަމުންނެވެ. |
ކެފޭއެއްގެ ތެރޭގައި ހިންގި މާރާމާރީއެއްގައި އަނިޔާވި މީހަކަށް ފަރުވާދެނީ |
މާލެގައި މިރޭ ހިންގި މާރާމާރިއެއްގައި އަނިޔާވި މީހަކަށް އައިޖީއެމްއެޗްގައި ފަރުވާ ދޭން ފަށައިފިއެވެ. |
ފުލުހުން ވިދާޅުވީ މާފަންނު ޝަހީދު އަލީ ގޯޅީގައި ހުރި ކެފޭ އެއްގައި މާރަމަރިއެއް ހިންގަފައިވާ މައްސަލައެއް މިރޭ ރިޕޯޓްކޮށްފައިވާކަމަށެވެ. |
އަދި މި މާރާމާރީގައި 44 އަހަރުގެ ދިވެހި ފިރިހެނަކަށް އަނިޔާވެފައިވާކަމަށާއި އެމީހާއަށް ފަރުވާ ދިނުމަށްޓަކައި އައިޖީއެމްއެޗްއަށް ގެންގޮސްފައިވާކަމަށެވެ. |
ފުލުހުން ވިދާޅުވީ މި މައްސަލައާ ގުޅިގެން އެއވެސް މީހަކު އަދި ހައްޔަރުކޮށްފައިނުވާކަމަށާއި އެ މައްސަލަ ތަޙްޤީގު ކުރަމުންދާކަމަށެވެ. |
ލޭންޑިން ކްރާފްޓުން ޖެހުނު މީހާ މަރުވެއްޖެ |
ފުލުހުން ބުނީ އަނިޔާވި މީހާއަށް ފަރުވާ ދެނިކޮށް މަރުވެފައިވާ ކަމަށެވެ. |
އެއީ 55 އަހަރުގެ މީހެއް ކަމަށް ވެސް ބުންޏެވެ. |
ދަރުމަވަންތަ ހޮސްޕިޓަލުގެ ބޭރު ތޮށި މޫދުގައި އޮއްވާ ލޭންޑިން ކަރާފްޓެއް ގައިމަތީން ދިއުމުން އަނިޔާވި މީހާ ފަރުވާ ދެނިކޮށް މަރުވެއްޖެ އެވެ. |
ފުލުހުން ބުނީ އަނިޔާވި މީހާއަށް ފަރުވާ ދެނިކޮށް މަރުވެފައިވާ ކަމަށެވެ. |
އެއީ 55 އަހަރުގެ މީހެއް ކަމަށް ވެސް ބުންޏެވެ. |
މި މަސައްކަތުގައި އަހަރެމެން ހަމަ ހަމަ ވާނެ އިންސާފުވެރި ވާނެ އިތުބާރު ދަމަހައްޓާނެ |
ގާނޫނު އަސާސީއަށް ގެނައި އިސްލާހުތައް ބާތިލްކުރާ މައްސަލަ ކޯޓުން ބަލައިގެންފި |
ރާއްޖޭގެ ގާނޫނު އަސާސީ އަށް ގެނައި އިސްލާހު ބާތިލްކުރުމަށް އެދި ސުޕްރީމް ކޯޓަށް ހުށަހެޅި މައްސަލަ އެ ކޯޓުން ބަލައިގެންފި އެވެ. |
މި މައްސަލައް ސުޕްރިމް ކޯޓަށް ހުށަހެޅީ 19 ވަނަ ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު އަލީ ހުސައިންއެވެ. |
މެމްބަރު އަލީ ހުސައިން މި މައްސަލަ ހުށަހެޅުއްވީ މި މަހުގެ 24 ވަނަ ދުވަހު އެވެ. |
މައްސަލަ ހުށަހެޅުއްވުމަށްފަހު އެކްސްގައި ކުރެއްވި ޕޯސްޓެއްގައި އަލީ ހުސައިން ވަނީ ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީއަށް 6 ވަނަ އިސްލާހު ގެނެސްފައިވަނީ ގާނޫނުއަސާސީގެ 4 8 26 75 އަދި 90 ވަނަ މާއްދާއާހިލާފަށް އަދި ގާނޫނުއަސާސީގެ އަސާސީ އޮނިގަނޑާވެސް ހިލާފަށް ކަމަށް ވާތީ އެ އިސްލާހު ބާތިލުކުރުމަށް އެދި ސުޕްރީމް ކޯ... |
މެމްބަރު އަލީ ހުސައިން ހުށަހެޅުއްވި އެ މައްސަލަ އަށް އިދިކޮޅު އެމްޑީޕީ އަދި ޑިމޮކްރެޓުން ވަނީ ތަދައްހުލްވެފަ އެވެ. |
ރައްޔިތުންގެ މަޖިލީހަށް އިންތިޚާބުވި މެންބަރަކު ސިޔާސީ ޕާޓީ ބަދަލުކޮށްފިނަމަ ނުވަތަ އެ މެންބަރަކު ޕާޓީން ވަކިކޮށްފިނަމަ މެންބަރުކަން ގެއްލޭގޮތަށް ޤާނޫނުއަސާސީއަށް ހުށައެޅި އިޞްލާހު ރައްޔިތުންގެ މަޖިލީހުގެ ޖަލްސާއަށް ސަރުކާރުގެ ފަރާތުން ހުށަހެޅުއްވީ ހުޅުދޫ ދާއިރާގެ މެމްބަރު މުޙައްމަދު ޝާހިދު އެވެ. |
ގާނޫނު އަސާސީ އަށް ގެނައި އިސްލާހުގެ ދަށުން ގޮނޑި ގެއްލުމުގެ އިތުރުން ވެސް ކަންތައްތަކެއް ވަނީ ބަދަލުކޮށްފަ އެވެ. |
އެގޮތުން ރައްޔިތުންގެ ރުހުން ހޯދަން ޖެހޭ ކަމަށް އޮންނަ މާއްދާ އިސްލާހުކުރާ ނަމަ އެކަމަށް ވެސް ރައްޔިތުންގެ ރުހުން ހޯދަންޖެހޭ ގޮތަށް ގާނޫނުއަސާސީ އިސްލާހުކޮށްފައިވެ އެވެ. |
މި އިސްލާހުގެ މަސައްކަތް ރައްޔިތުންގެ މަޖިލީހުން އެއް ދުވަހުގެ ތެރޭގައި ނިންމާލާ ހަމަ އެ ރޭ ރައީސުލްޖުމްހޫރިއްޔާ ވަނީ އެ އިސްލާހު ތަސްދީގުކުރައްވާފައެވެ. |
މި އިސްލާހަށް އިދިކޮޅު އެމްޑީޕީން ފާޑުކިޔަމުން އަންނައިރު އެމްޑީޕީގެ މެޖޯރިޓީ އޮތް 19 ވަނަ މަޖިލީހަށްވެސް އިންތިޚާބުވި މެމްބަރަކު ސިޔާސީ ޕާޓީ ބަދަލުކޮށްފިނަމަ ނުވަތަ އެ މެމްބަރަކު ޕާޓީން ވަކިކޮށްފިނަމަ ގޮނޑި ގެއްލޭނެ ފަދަ ބިލެއް ވައްދައި އެ ބިިލް ފާސްކޮށްފައިވެއެެވެ. |
އިލެކްޝަން ކޮމިޝަނުގެ މެމްބަރުކަމަށް ކުރިމަތިލުމަށް ހުޅުވާލައިފި |
ހުސްވެފައިވާ އިލެކްޝަން ކޮމިޝަނުގެ މެމްބަރުކަމަށް ކުރިމަތިލުމުގެ ފުރުސަތު ރައީސުލްޖުމްހޫރިއްޔާގެ އޮފީހުން މިއަދު ހުޅުވާލައިފިއެވެ. |
އިލެކްޝަން ކޮމިޝަނުގެ މެމްބަރުކަމަށް ކުރިމަތިލުމަށް ހުޅުވާލާފައިވަނީ ކޮމިޝަނުގެ މެމްބަރުންގެ ގޮތުގައި ތިއްބެވި ދެ މެމްބަރަކު ވަކިކުރުމަށް ރައްޔިތުންގެ މަޖިލީހުން ފާސްކުރުމުންނެވެ. |
އެ ދެ މެމްބަރުންނަކީ ކޮމިޝަނުގެ ނައިބު ރައީސް ޢަލީ ނަޝާތާއި ކޮމިޝަންގެ މެންބަރު މުޙައްމަދު އާސިފެވެ. |
އެ މެމްބަރުން މަގާމުން ވަކިކުރުމަށް މަޖިލީހުން ނިންމީ މަގާމުގެ ޒިއްމާތައް އަދާނުކުރާތީއެވެ. |
އިލެކްޝަނުގެ މެމްބަރުކަމަށް ކުރިމަތިލުމަށް އެދޭ ފަރާތްތަކަށް އެފުރުސަތު ހުޅުވާލާފައިވަނީ އަންނަ ޑިސެމްބަރުމަހުގެ ފަސްވަނަ ދުވަހުގެ ނިޔަލަށެވެ. |
އިލެކްޝަނަށް ދެ މެމްބަރުން ހޯދުމަށް އިއުލާނުކޮށްފައިވާއިރު ކޮމިޝަނުގައި މިހާރު ތިއްބެވީ ދެ މެމްބަރުންނެވެ. |
ކޮމިޝަނުގެ ރައީސްއަކަށް ހުންނެވި ފުއާދު ތައުފީގުވެސް ދައުރުހަމަވުމުން މިހާރު އީސީގެ ރައީސްކަމުގެ މަގާމުވެސް ވަނީ ހުސްވެފައެވެ. |
އީސީއަށް ދެން މެމްބަރަކު އައްޔަނުކުރެވޭނީ ރައީސް ނަމެއް ފޮނުވުމުން މަޖިލީހުން އެ ނަން ފާސްކޮށްގެންނެވެ. |
ކެފޭއެއްތެރޭ މާރާމާރީ ހިންގާ މީހަކު ޒަހަމު ކޮށްލައިފި |
މާރާމާރީގައި އަނިޔާވި މީހާ ހޮސްޕިޓަލަށް ގެންދާ މަންޒަރު ފެންނަ ވީޑިއޯއެއް އާންމު ވެފައި ވެ އެވެ. |
ވީޑިއޯ ގައި ފެންނަ ގޮތުން އެ މީހާގެ މޫނު މައްޗަށް ވަނީ އަނިޔާވެފަ އެވެ. |
ކެފޭއެއްތެރޭ މާރާމާރީ ހިންގާ މީހަކު ޒަހަމު ކޮށްލައިފި އެވެ. |
ފުލުހުން ބުނީ މާފަންނު ޝަހީދު އަލީ ގޯޅީފައި ހުރި ކެފޭއެއްގެ ތެރޭގައި މާރާމާރީ އެއް ހިންގާފައިވާ ކަމުގެ ރިޕޯޓް ލިބިފައިވާ ކަމަށެވެ. |
އެ މާރާމާރީ ގައި އަނިޔާވި މީހާ އަށް ފަރުވާ ދިނުމަށް އައިޖީއެމްއެޗަށް ވަނީ ގެންގޮސްފަ އެވެ. |
މިހާތަނަށް މީހަކު ހައްޔަރު ނުކުރާ ކަމަށް ވެސް ބުންޏެވެ. |
އަދި ބުނީ މާރާމާރީގެ މައްސަލަ ތަހުގީގު ކުރަމުންދާ ކަމަށެވެ. |
މާރާމާރީގައި އަނިޔާވި މީހާ ހޮސްޕިޓަލަށް ގެންދާ މަންޒަރު ފެންނަ ވީޑިއޯއެއް އާންމު ވެފައި ވެ އެވެ. |
ވީޑިއޯ ގައި ފެންނަ ގޮތުން އެ މީހާގެ މޫނު މައްޗަށް ވަނީ އަނިޔާވެފަ އެވެ. |
ނޭފަތް ކައިރީ ގިނަ އަދަދަކަށް ލޭ ހުއްޓާ ފެނެ އެވެ. |
މާރާމާރީ ހިނގަން މެދުވެރިވީ ސަބަބެއް ސާފެއް ނުވެ އެވެ. |
މި މަސައްކަތުގައި އަހަރެމެން ހަމަ ހަމަ ވާނެ އިންސާފުވެރި ވާނެ އިތުބާރު ދަމަހައްޓާނެ |
ޚާރިޖީ ވަޒީރުގެ އަރިހަށް ޗައިނާ ސަފީރާއި އިންޑިއާ ސަފީރު ވަދާޢީ ޒިޔާރަތްކުރައްވައިފި |
ޗައިނާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ވޮންގ ލިޝިން އާއި އިންޑިއާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު މަނޫ މަހާވަރު ޚާރިޖީ ވަޒީރު ޑރ. |
ޢަބްދު ޚަލީލުގެ އަރިހަށް ވަދާޢީ ޒިޔާރަތެއް ކުރައްވައިފިއެވެ. |
ޚާރިޖީ ވަޒީރު ޑރ. |
ޢަބްދު ޚަލީލުގެ އަރިހަށް އިންޑިއާއާއި ޗައިނާގެ ސަފީރު ވަދާޢީ ޒިޔާރަތްކުރެއްވީ އެ ދެބޭފުޅުންގެ ސަފީރުކަމުގެ ދައުރު ހަމަވާން ގާތްވެފައިވާތީއެވެ. |
ވަކިވަކީން ބޭއްވެވި މި ބައްދަލުވުންތައް ކުރިއަށްދިޔައީ ޚާރިޖީ ވުޒާރާގައެވެ. |
ޗައިނާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ވޮންގ ލިޝިންގެ ޚާރިޖީ ވަޒީރު ޑރ. |
ޢަބްދު ޚަލީލުގެ އަރިހަށް ކުރެއްވި ވަދާޢީ ޒިޔާރަތުގައި ވޭތުވެދިޔަ އެއް އަހަރުގެ ތެރޭގައި ކުރިޔަށް ދިޔަ މުހިއްމު މަސައްކަތްތަކާއި ޙާޞިލުކުރެވިފައިވާ ކަންތައްތަކުގެ މައްޗަށް އަލިއަޅުއްވާލައްޗައި ވާހަކަ ދެއްކެވިކަމަށެވެ. |
އަދި މިހާރު ކުރިޔަށް ގެންދާ މުހިއްމު މަޝްރޫޢުތަކުގެ ފަހުގެ އަދާހަމައާއި ކުރިޔަށް ރޭވިފައި ހުރި މަސައްކަތްތަކާގުޅޭގޮތުންވެސް މަޝްވަރާ ކުރެއްވިއެވެ. |
މި ބައްދަލުވުމުގައި ޚާރިޖީ ވަޒީރު ވަނީ ޗައިނާ ސަފީރު ކޮށްދެއްވާފައިވާ މުހިއްމު މަސައްކަތްތައް ފާހަގަކުރައްވައި ދިވެހިރާއްޖެއާއި ޗައިނާއާ ދެމެދު އޮތް ގުޅުން ކުރިއެރުވުމަށްޓަކައި އެކަމަނާ ދެއްވި އެހީތެރިކަމާއި އެއްބާރުލުމަށް ޝުކުރު އަދާކުރައްވާފައެވެ. |
މި ބައްދަލުވުމުގައި ޗައިނާ ސަފީރު ވަނީ އެކަމަނާގެ ދައުރުގައި ދިވެހި ސަރުކާރުން ބެހެއްޓެވި ގާތްކަން ފާހަގަކުރައްވާފައެވެ. |
އަދި އެކަމަނާގެ މަސްއޫލިއްޔަތުތައް އަދާކުރުމުގައި ދެއްވި އެއްބާރުލެއްވުމަށް ދިވެހި ސަރުކާރަށާއި ދިވެހި ރައްޔިތުންނަށް ޝުކުރު އަދާކުރެއްވިއެވެ. |
އަދި ކުރިޔަށް އޮތް ތަނުގައިވެސް ދެ ޤައުމުގެ ގުޅުން އިތުރަށް ބަދަހިވެގެންދާނެކަމަށް އުއްމީދުކުރައްވާކަމަށްވެސް ޗައިނާ ސަފީރު ވިދާޅުވިއެވެ. |
އިންޑިއާ އިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު މަނޫ މަހާވަރު ޚާރިޖީ ވަޒީރު ޑރ. |
ޚަލީލް އަރިހަށް ކުރެއްވި ވަދާޢީ ޒިޔާރަތުގައި ފާއިތުވެދިޔަ އަހަރުގެ ފާހަގަކޮށްލެވޭ ކާމިޔާބީތަކަށް އަލިއަޅުވާލެއްވިއެވެ. |
އަދި ރައީސުލްޖުމްހޫރިއްޔާ އިންޑިއާއަށް ކުރެއްވި ކާމިޔާބު ދަތުރުފުޅުގައި އެއްބަސްވެވުނު ކަންކަމާމެދު މަޝްވަރާކުރެއްވިއެވެ. |
މި ބައްދަލުވުމުގައި ޚާރިޖީ ވަޒީރު ވަނީ ރާއްޖޭގެ އުމްރާނީ ތަރައްގީގެ ބިޔަ މަޝްރޫއުތައް އަދި މުހިންމު ރަށްރަށުގެ ފަރުދީ ތަރައްޤީއަށް އިންޑިއާ ސަރުކާރުން ދެއްވާ އެހީތެރިކަން ފާހަގަކުރައްވާފައެވެ. |
އަދި ރޫޕޭ ކާޑު އޮޕަރޭޝަނަލައިޒް ކުރުމާއި ޔޫޕީއައި ތައާރަފް ކުރުމާއި ލޯކަލް ކަރަންސީ ޓްރޭޑް އެގްރީމަންޓްތަކަކީ އިގްތިސާދަށް އެޅުނު ހަރުދަނާ ފިޔަވަޅެއްކަން ވަޒީރު ފާހަގަކުރެއްވިއެވެ. |
މި ބައްދަލުވުމުގައި ދެޤައުމުގެ ގުޅުން ބަދަހިކުރުމަށް ދެޤައުމުގެ ދޭދޭ ފަރުދުން މެދުގައި އާއި ވިޔަފާރީގެ ގުޅުން ބަދަހިކުރުމާއި ދެގައުމުގެ މެދު މުއާމަލާތްތަކަށް މަގުފަހިކޮށްދިނުމުގައި ސަފީރު އަދާކުރެއްވި މުހިންމު ދައުރަށް ވަޒީރު ތައުރީފު ކުރެއްވިއެވެ. |
އިންޑިއާ ސަފީރު މަނޫ މަހާވަރު ވަނީ ދިވެހި ސަރުކާރާއި ރައްޔިތުން ދެއްވި ފުރިހަމަ އެއްބާރުލުމާއި ބެހެއްޓެވި ގާތްކަމަށް ޝުކުރު އަދާކުރައްވާފައެވެ. |
އަދި އިންޑިއާ އާއި ދިވެހިރާއްޖޭގެ ގުޅުން ކުރިއަށް އޮތްތަނުގައި ބަދަހިވެގެންދާނެކަމަށް އުންމީދުކުރައްވާކަމަށްވެސް ސަފީރު ވިދާޅުވިއެވެ. |
ގެދޮރުވެރިކަމުގެ ރަން ޒަމާނަކަށް ފެށިގެން މިދަނީ މުޅިން އައު ބާބެއް! |
ވެރިކަންކުރާ މާލެ ސިޓީ އަކީ ރާއްޖޭގެ އެންމެ އާބާދީ ބޮޑު ސިޓީއެވެ. |
ދެލައްކައަށް ވުރެ ގިނަ މީހުންގެ އާބާދީއެއް އޮންނަ މާލެއަކީ ދުނިޔޭގެ ނިސްބަތުންވެސް އެންމެ އާބާދީ ބޮޑު އެއް ސިޓީއެވެ. |
ޤައުމުގެ އާބާދީގެ ތިންބައިކުޅަ އެއްބައި ދިރިއުޅެމުންދާ މާލެ ސިޓީގައި 1987 ވަނަ އަހަރު އާބާދީއަކީ 20 000 މީހުންނެވެ. |
2006 ވަނަ އަހަރު އާބާދީ ވަނީ 100 000 މީހުންނަށް އިތުރުވެފައެވެ. |
ރާއްޖޭގެ އެކި ކަންކޮޅުތަކުގައި ދިރިއުޅޭ ގިނަ ދިވެހިންނާއި ބިދޭސީ މަސައްކަތްތެރިން މާލޭއަށް ހިޖުރަކުރަންޖެހެނީ ގިނަ ރަށްރަށުގައި ސިއްހީ ޚިދުމަތް ތައުލީމު އަދި ވަޒީފާގެ ފުރުސަތުތައް ފަހިވެފައި ނެތުމުންނެވެ. |
އެކި ކަންކޮޅުތަކުން މާލެއަށް ހިޖުރަކުރަން ޖެހުމުގެ ނަތީޖާއަކަށްވެފައިވަނީ މާލެއަކީ އިންތިހާއަށް ތޮއްޖެހިފައިވާ ބައިބޯ ތަނަކަށްވުމެވެ. |
ރަށްފުށުގެ ހިތްގައިމު ތަނަވަސް ބޮޑެތި ގޯތިތައް ދޫކޮށް އެ ރައްޔިތުން މާލޭގައި ދިރިއުޅެމުންދަނީ ވަރަށް ކުދި ޖާގައިގައި ނުހަނު ހިތްދަތިކަމުގައެވެ. |
އުފަން މާލޭ ރައްޔިތުންގެ ތެރެއިން ވެސް ގިނައީ އަމިއްލަ ވަޒަނުގައި އަމިއްލަ ބޯހިޔާވަހިކަމެއް ނެތި ކުލި ދައްކައިގެން ދިރިއުޅޭ އާއިލާތަކެވެ. |
ކުދިކުދި ތަންތަންކޮޅުގައި އެތައް އާއިލާއެއް އުޅެންޖެހުމުގެ ސަބަބުން ދިމާވާ އިޖްތިމާޢީ އެތައް މައްސަލަތަކަކާވެސް އެ އާއިލާތަކުން ދަނީ ކޮންމެ ދުވަހަކުމެ ކުރިމަތިލަމުންނެވެ. |
މިއީ އެތައް ޒަމާނެއްވީ އިޖްތިމާޢީ ބޮޑު މައްސަލައެކެވެ. |
ތޮއްޖެހުމަކީ މާލޭގެ ގިނަ އިޖުތިމާއީ މައްސަލަތަކުގެ އެންމެ ބޮޑު އަސްލަށްވާއިރު މިމައްސަލަ ހައްލު ކުރުމަށް ކޮންމެ ސަރުކާރަކުން ވެސް މަސައްކަތްތަކެއް ކުރެވެއެވެ. |
ވެރިކަމަށް އަންނައިރު މެނިފެސްޓޯގައި އެންމެ ބޮޑު އެއް ސިޔާސަތަކަށް ވަނީ މިމައްސަލައަށް ހައްލު ހޯދުމެވެ. |
ބޯހިޔާވަހިކަމުގެ މައްސަލަ ހައްލުކުރުމަށް ރާއްޖޭގައި މިހާތަނަށް ހިއްކާ އެންމެ ބޮޑު ބިން ހިއްކަން ނިންމާފައިވަނީ މިހާރުގެ ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒުއެވެ. |
ރައީސް މުއިއްޒުގެ ރިޔާސީ މެނިފެސްޓޯއާއި އެއްގޮތަށް ފުށިދިއްގަރުފަޅުގައި ގޯއްޗާއި ފްލެޓު ހިމެނޭ ގޮތަށް 65 000 ހައުސިން ޔުނިޓު ރަސްމާލެ ސިޓީގެ ނަމުން ގާއިމު ކުރެވޭނެއެވެ. |
އަދި ސިޓީ ގާއިމްކޮށް ނިމޭއިރު ގާތްގަނޑަކަށް ދެ ލައްކަ މީހުންގެ އާބާދީއަކަށް އެ ސިޓީގައި ދިރިއުޅެވޭނެ އެވެ. |
1153 ހެކްޓަރު ހިއްކުމަށް އަޒުމް ކަނޑައަޅައި މަސައްކަތް ފަށާފައިވާއިރު "ރަސްމާލެ - ޒީރޯ ކާބަން ސިޓީ" ގާއިމުކުރަނީ ރާއްޖޭގެ ކޮންމެ ރައްޔިތަކަށް ވެސް އެ ސިޓީއަށް ހިޖުރަކުރެވޭ ގޮތަށެވެ. |
ބޯހިޔާވަހިކަމުގެ މައްސަލަ ހައްލުކުރުމަށް އެންމެ ބާރުދޭ އަދި ރައްޔިތުންގެ އެންމެ ބޮޑު އެއް އުންމީދާ ގުޅިފައިވާ އެއްކަމަކީ އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި 56. |
6 ބިލިޔަން ރުފިޔާގެ ބަޖެޓެވެ. |
ފިނޭސް މިނިސްޓަރު މޫސާ ޒަމީރު ބަޖެޓު މަޖިލީހަށް ހުށައެޅުއްވީ މިދިޔަ މަހުގެ 31 ވަނަ ދުވަހުއެވެ. |
ރައްޔިތުންގެ މަޖިލީހުން ބުދަދުވަހު ބަޖެޓް ފާސްކޮށްފައިވާއިރު ބަޖެޓް ފާސްކޮށްފައިވަނީ ކޮމިޓީ ރިޕޯޓް މަޖިލީހަށް ހުށަހަޅައި ބަހުސް ކުރުމަށްފަހުއެވެ. |
މިނިސްޓަރ ވިދާޅުވީ 2025 ވަނަ އަހަރުގެ ބަޖެޓު އެކުލަވާލުމުގައި އެންމެ ބޮޑު އިސްކަމެއް ދީފައިވަނީ ރައީސުލްޖުމްހޫރިއްޔާގެ ތަސައްވުރާ އެއްގޮތަށް ދިވެހި ރައްޔިތުންނަކީ ގެދޮރުވެރި ބަޔަކަށް ހެދުމަށް ކަމަށެވެ. |
އެކަމަށްޓަކައި 5 އިންސައްތަ އިންޓްރެސްޓުގައި ގެދޮރުވެރިކަމުގެ ލޯންދޫކުރުމަށް އެއް ބިލިއަން ރުފިޔާ ބަޖެޓުގައި ހިމަނާފައިވާއިރު މި ފައިސާ ބޭނުންކޮށްގެން ރާއްޖޭގެ ބޭންކުތައް މެދުވެރިކޮށް މަދުވެގެން ދެބިލިއަން ރުފިޔާގެ ހައުސިންގ ލޯން ދެވޭނެމަގުވެސް ފަހިވެގެންދާނެކަން މިނިސްޓަރ ފާހަގަކުރެއްވިއެވެ. |
End of preview. Expand in Data Studio
Dhivehi KenLM Language Model
This repository contains a 5-gram KenLM language model built from the HuggingFace dataset:
alakxender/dhivehi-news-corpus
The corpus was cleaned and normalized to Thaana Unicode and used to improve Dhivehi ASR decoding (Wav2Vec2/XLS-R CTC).
Files
- dhivehi.bin — KenLM binary language model (use this for decoding)
- dhivehi_corpus_raw.txt.gz — cleaned Dhivehi news text corpus
Purpose
This LM is designed to be used with CTC-based ASR systems (Wav2Vec2 / XLS-R) via pyctcdecode to:
- correct spelling
- insert spaces
- prefer real Dhivehi words
- dramatically improve dictation accuracy
- Downloads last month
- 21